انا ابويا من ساعه ما وعيت على الدنيا
انا ابويا من ساعة ما وعيت على الدنيا وهو صعب اوووي في التعامل قاسي وجاف والاكتر مع امي ورغم كده كانت دايما بتقول اصل ابوكم تربيه عسكريه وطبعا عشان كلنا صبيان فكان لازم يربينا كده بس كنت بردو مش متقبل طريقه تعامله مع امي طب احنا صبيان ماشي مقبوله لكن امي ست وست حنينه وحلوة في كل شىء مش منقصه البيت حاجه بس كانت بتتحاسب على كل حاجه وبطريقه بشعه وانا حابب اعرض مشكلتي عندكم على صفحتكم ازواج لكن سعداء عشان تقولولي اتصرف ازاي ابويا طلع معاش وهو في سن صغير لاصابه شخصيه خاصه بيه
وبدأ يشتغل شغلانه تانيه عشان يصرف علينا لاننا كنا صغيرين ومحتاجين مصاريف كتيره كان المفروض بيخرج لشغله من الساعه عشره بس في اليوم المشؤومه ده هو رجع بدري البيت وانا كمان عشان كنت كبير خرجت من المدرسه لوحدي بدري عشان اروح الاقي ابويا ماسك امي بيض*ربها بالحزام ضر*ب مبرح دخلت رميت نفسي عليها وهو مكمل ض*رب بقوله يا بابا في ايه وبتضر*ب امي ليه قالي ارجع من الشغل على غفله اسمع صوت في المطبخ ادخل الاقي امك ماسكه
كيس صابون سايل وانا محظرها ميت مره متشترهوش وتستخدم الصابونه بتاعت زمااان عارفيها طبعا لانه بيهري معدتي طب وده ماله ومال معدتك يقوم ماسك الليفه ويفضل يعصر فيها طبعا بتفضل تطلع رغاوي صابون وكله ده اثره بيفضل في المواعين واي اكل حيتحط فيه حيوصل لمعدتنا وانا خايف عليكم طبعا وانا معدتي بتوجعني انا بلمت وقولتله بتض*ربها عشان كده حرام عليك يا ابويا يسكت لا طبعا راح ماسكني وقلعن*ي ما*لط وراح رابطني في السرير يوم بحاله اخواتي رجعوا ولا حد قدر يفكني طبعا الموقف ده علم في حياتي لغايه ما امي ما*تت الله يرحمها وانا اتخرجت واشتغلت واتجوزت ولفت الدنيا وابويا بقى عايش لوحده وتعب ولازم يقعد مع حد
كل اخواتي قسموا نفسهم عليه الا انا رفضت انا مش متقبل ومش عارف اتصرف ازاي عارف ان بر الوالدين فرض بس غصب عني والله والغريب ان مراتي عادي متقبله وكل شويه تسألني تقولي ليه انت بتعمل كده فهمني ابوك عملك ايه وانا مكسوف احكيلها الحقيقه بس مش عارف اعمل ايه والله يا جماعه انا اقصى حاجه اعملها اسيب فلوس اصرف على علاجه لكن يعيش معايا واشوفه وشي في وشه مش قادر اتمنى من حضراتكم على صفحتك ازواج لكن سعداء يا استاذه غاده الحل الشافي اللي يرضيني ويخليني اتقبل ابويا في حياتي من تاني
